زندگیو سفار 26

-
نوغ دنیا
جوشو جماعتو انتحانو نتیجہ نسیکو انوس آوا پرکوسپہ استم۔ مه موژغیشٹی تاتیو لوٹھورو ژورو ویݰئیاو اوشونی۔ مه ہتے اسپسارو بونیو ݯارویلان دیہہ جلال فدا میکئیو لوٹھورو ژاو رحیم فدوتے ویشئیاو اوشونی۔خلتھ بار میر صفدر خان لالو لوٹھوریہ توری استانی۔ اسپہ ݰویو بیرو مینوان سو  مینوان ختانہ ٹپ بتی نشی استانی۔ ہرونیہ کھوار پروگرام ݯوکیتئے۔ شامو وختہ کھوار ݯوکاوتئے۔ اناونسر اعلان آریر کی جوشو نتیجہ نسی شینی۔ ہنیسے فلانکیو سار ( خبار دیاکو نم جم مه ہردی نو گوین۔ لطف الرحمن کیہ اوشویہ) جوشو جماعتو نتیجان کار کورور۔ نچو اویلہ تن مه نمو گانی ہموݰ مݰقریو پرائے کہ "سٹیٹ ہائی اسکول ݯھترارو شیرولی خان ݯھوئے شورو چے جوشپونݮ لمبار گانی ݯھترارو ریاستہ اول لمبار ہائے"۔ ہیہ خبار بو لوٹ مشقری اوشوئے۔مہ ہاش کیہ امید نو اوشوئے کہ آوا درست ݯھترارا اؤل لمبار گوم رے۔ بمبارکی رے قوژد ہوئے۔ کا مه غیچہ بھ اریر، کا ارقتو پھری اریر۔ پھار لوڵتم کی مه موژغیشٹی تاتی خوشانیو سو بس نو گیتی کیڵیرن۔ ہتے انوس پرکوسپو اسپہ پرانو دورۂ خوشانیو سورتو خوشانیو ہوئے۔ یی چارغیریہ کوری ننوچے تتوتے مݰقری انزیکو کیہ ذریعہ نو اوشوئے۔
اوہتی چھوچی مه زبردستی توخمیران کوری بونیوت ویݰیتانی۔ ہسے مه اولانو توخمیرانی اوشوئے۔
بونیہ توری رحیم فدا صاحبو حولیہ مرحوم میاں صاحبو سو ملاقات بکو سو مہ تان ھورو موڵتو دیتی غیچ غیچہ  بوچھےکوری ریتئے کی ہیہ اسپہ سورو ݱانگ کوراک ہتے ژاو نوا؟ دی ریکو ہرونیہ ڈاقن ݯاکے اسکوٹیان خڑاگن چھور کپ کوری ایغو سورا لاکھی ݱانگ کوری مه التی ہتے ٹیکہ نیشیتئے۔ مه شرم گیتی موخ ݯھوری بغئے۔ اشپیرو چیلی زارو مکیان مه سار پست نشی آوا ݱانگ نیشکوو بو شُم جوݰتم مگم میاں میکیو حکموتے سور خامیکار  غیر کیہ چارہ نو اوشوئے۔ متے ہرونی عزت پرانی کی آوا شرمندہ ہوتم۔
بونیار گیتی دورہ توری جالبی داخلو خیالی ہوتم۔ مه تت لالو کیہ خیال نو اوشوئے مه کالچہ پیچھیکو کوریکو ہتے زمانا جوش پاس کورک تن بو لوٹ کارنامہ سارئیاور۔ ہیغار علاوہ مه تتو مالی حالت دی ہتے وختہ سست بتی اوشوئے۔ چارغیریوت ژوئے نیزیکار گانی اباد کوریکو موژی مه تتو دولت ختم بتی اوشوئے،مگم مه موژغیشٹی تاتی مه کالچوت ویݰیکو بچین بو زور لاکھتئے ۔ اسپہ رشتہ دارن موژی مرحوم میکی گل خان نظار بو تغدی آریر کی ہموش لائق ژاوو کالچہ نو پیڅھیکو بو ناشکری بوئے ریتئے۔ مه تت ریکی مه سو پیسہ نکی۔ برانوش میکئیو چے مه تتین رینی کی وم مم کوری ہورو ویشیسی۔ 
ہسے ہاݰ وخت اوشوئے کی کوس دستہ پیسہ نو باوتئے۔ میراگرامو ببلسن دورہ میکی بابر نظار اسکوٹ اوشوئے۔ ہتے وختہ چپٹی گیتی استئے۔ مه تت ہتو سار تروئے شور روپیہ وم الائے۔ میکی براموش ای شور پیدا آریر وا مه تتو دستہ تروئے شور شیرانی۔ ہموش بلاوپیان کوری سوت شور روپیہ جمع بکو مه تت مہ پشاوروتے ویݰیتئے۔ مه گانی پرکوسپہ انگیکو  موژغیشٹی تاتی مه گانی راہی اریر۔ ہسے دی چکیدارار موڵی نو ژاناوا برائے۔ مه تت تہکید آریر کی مه سلامو څینگورو ݯھیر برارو ژاوسو تاراوور۔ ہسے پشاورو استاد رینین۔ کیہ وت کی تاتی مه گانی جھترارہ تورتئے معلوم ہوئے کی اسرار صائب گرشپو چُٹیہ دورہ اسور۔ مه تاتی ہتو نستو بی زراعتو انسپکٹر سردار کݰمی صائبو نمہ ہتو سار کاغذ نویشی الائے۔ ݯھترارہ اسپہ مستوچو حاجی خان استادو رویتو پھریتم۔ ہسے مه تاتیوت ریکی، "اے میکی تو پشاورو ژانک تن نو براو۔ ته ژاغہ آوا بیم" تاتی بو خوشان ہوئے کوریکو کی حاجی خان استادو پشاورو جم بلتی اوشوئے۔ حاجی خان استاد مه گانی جہازہ پشاورو تورتئے۔ متے ہاش سریتائے کی آوا ای نوغ دنیا ہاتم رے۔ یوران نسو پیݯی دی مه لچھیتئے۔ ݱانگ ݱانگ عمارت، رنگ برنگہ موٹیرن کوسیک، بازارو موژی روین غُل مه فقط حیرانو مان ارینی۔

Comments

Post a Comment

Popular posts from this blog

کیچ بِک

-
ہمارے بچپن میں "کیچ بک" (kech bik) بھی ایک اہم مہم ہوا کرتی تھی۔ بہت سے لوگوں کے دو دو مقامات پر زمینات اور رہائشی مکانات ہوتے تھے، ایک سرمائی اور دوسرا گھر گرمائی ہوتا تھا۔ ان گھروں کے مکین و مالک گرمیوں میں زرا ٹھندی جگہوں کی طرف چند مہینوں کے لیے منتقل ہوتے تھے اور گرمیاں ختم ہوتے ہی گرم گھروں کا رخ کرتے تھے۔ اس انتقال مسکن کو کیچ بک کہتے ہیں۔ آج کل بہت کم لوگ اس طرح ایک گھر سے دوسرے گھر منتقل ہوتے ہیں کیونکہ آبادیاں بڑ گئی اور زمینات کم پڑ گئی ہیں۔  اس لیے لوگ سرد گاونوں میں بھی مستقل رہائش رکھنے پر مجبور ہوگئے ہیں۔  کیچ بک ایک مہم ہوا کرتی۔ ہفتوں پہلے نیک ساعت معلوم کرنے کے لیے اس ہنر کے ماہرین سے رجوع کیا جاتا۔ گاؤں کا خلیفہ یا مولوی یا بول حساب (ستارہ شناس) مناسب دن اور وقت کی نشان دہی کرتا۔ پھر گھریلو سامان کی پیکنگ شروع کرتے۔ مجھے ملازمت کے دوران اپنے ہر تبادلے کے وقت یہ قدیم مہم یاد آیا کرتی تھی۔ کیچ بک کے دنوں قافلے کے قافلے ایک گاؤں سے دوسرے گاؤں کی طرف رواں دواں نظر آتے ۔ ان کے قافلے میں گدھوں اور گھوڑوں پر گھر کا سامان بستر اور گھریلو برتن اور استعمال کی دوسری چ
Read more

باران رحمت کی زحمت

-
ان دنوں مستوج، لاسپور، یارخون اور موڑکھو اور تورکھو کے بالائی علاقوں میں خوبانیوں کی بہار ہوتی ہے جب خوبانی کے پھول کھلتے ہیں جسے ہم کھوار میں ژوڑسپرو کہتے ہیں۔ خوبانی کے پھولوں کے گرنے تک بارش خوبانی کے پھلوں کے لیے انتہائی نقصان دہ ہوتی ہے۔ پھل بہت کم لگتے ہیں اور زمیندار کو بڑا خسارہ ہوتا ہے۔ وادئ یارخون میں گزشتہ 72 گھنٹوں سے مسلسل بارش برس رہی ہے اور موسم بھی کافی سے زیادہ ٹھنڈا ہوگیا ہے۔ آج رات تھوڑی برف بھی پڑی۔ خطرہ ہے کہ خوبانیوں کے پھل لگنے کا عمل بری طرح متاثرہوا ہے۔ امسال خوبانی کے پھلوں سے محروم رہ جانے کا حدشہ ہے ۔  گزشتہ تین چار سالوں سے ہم خوبانیوں سے کوئی فایدہ نہیں اٹھا پا رہے ہیں۔ کبھی بے وقت کی بارشوں کی وجہ سے پھول اور ننھے پھل گر جاتے ہیں اور کبھی غیر متوقع موسمیاتی تبدیلیوں کے نتیجے میں خوبانی کے پھل پکنے کے عمل کے دوران سڑنے لگتے ہیں۔ محکمہء زراعت بھی اس سلسلے کوئی تحقیق نہیں کی کہ خوبانی اور سیب کے پھلوں کے سڑنے کی وجہ کیا ہے؟ مجھے ایسا لگتا ہے کہ یہ جو کچھ نقصان ہم اٹھا رہے ہیں یہ ہماری ناشکریوں کے سبب سے ہے۔ ہم اپنے پھلوں کی قدر نہیں کرتے اور اللہ کی ان بہتری
Read more

شرط بزرگی

-
بعض لوگوں کا خیال ہے کہ عمر کے بڑھنے سے انسان عقلمند ہوتا ہے۔ اس خام خیالی میں عقل کے پیادے اپنی عمر کی درازی کو دلیل بنا کر کہتے ہیں کہ " میری عمر پچاس ساٹھ سال ہے۔ میں بچہ نہیں رہا ۔ میں عقلمند ہوں" یہ احنقانہ دلیل ہے کیونکہ عقل کا تعلق بڑھاپا سے نہیں ہوتا جیسا کہ شیخ سعدی علیہ رحمۃ کا کہنا ہے،   توانگری بہ دل است نہ بہ مال بزرگی بہ عقل است نہ بہ سال  لہذا نہ عقلمندی کا تعلق بڑی عمر سے  ہوتا ہے اور نہ مالداری کے سبب سے کوئی شخص دولتمند کہلا سکتا ہے۔ چھوٹی عمر کا فرد بھی بھی اپنی عقلمندی کی وجہ سے بزرگی کا مقام پا سکتا ہے جس ایک طرح غریب آدمی اپنی سخاوت کی بدولت دولت مند کہلانے کا حقدار ہوتا ہے۔
Read more