زندگیو سفار۔۔۔۔۔۔۔18
ݯھویو جماعتہ مه جماعتی ہمیت اوشونی۔
تاج الدین مرحوم دُدوشئے، اقبال ولی تاج پاسُم، شہزادہ بہرام چونج، سیدکریم علی شاہ بریپ سلطان نادر مرحوم ۔ریچ ، تیغون نظار مرحوم کارگین، اچہ ہسے تان نمو شوکت علی لکھیتئے۔ نادر اعلیٰ چنار، نادرعلی شاہ مستوچ، شیربچہ خان چنار یعنی عمادالدین، فیض ابرہیم قاضی توق، افضل جان مرحوم مستوچ غوروو کوثرعلی شاہ اوچے دوق ژاو( اصل نم یادی نو گوین) مہ جماعتی سرینین ۔ تاج الدین اوچے بہرام اسپہ موژی زاق اوشونی۔ تاج الدین اوچے اقبال ولی تاج نو تھیلک اوشونی۔ استاز نو اسیکہ دنیو شیطانین کواراوتنی۔
ہیڈ ماسٹر حضرت اللہ جان صائب اسپہ حساب ݯھݯھیاوتئے۔حسابہ آوا بو جم اوشتم۔ دوروکورمن ای سوالو دی نو پیڅھاوتم۔ گیاک انُسو مشقو دی تیاریو کوری گیاوتم۔ استاد سوالو ریکو سو نیزی تو پاشئیاوتم۔ ای انُس حضرت اللہ جان صائب مه جماعتیانتے قہری بتی ہموݰ ریتئے،" ہیہ ڈق پیسہ چقہ نالائقن موژا ہال بکو بݰ نو ۔ہمو سوتو جماعتہ التی نشئیم ریمن مگم ہموتے پھُک قائی بوئے" استادو ہتے ہانی شُروشتو کورک مہ څیقدی زیاد محنتو شوقین اریر۔ متے ہاݰ سریتئے کہ ہموغار اچی ہارمضمونہ مه سار لائق کا نو بونی۔ ہاشتانچقہ استادواہتے حوصلہ افزائیو براکتہ ݯھویو جماعتہ دی اول لمبارا پاس ہوتم۔
تاج الدین مرحوم دُدوشئے، اقبال ولی تاج پاسُم، شہزادہ بہرام چونج، سیدکریم علی شاہ بریپ سلطان نادر مرحوم ۔ریچ ، تیغون نظار مرحوم کارگین، اچہ ہسے تان نمو شوکت علی لکھیتئے۔ نادر اعلیٰ چنار، نادرعلی شاہ مستوچ، شیربچہ خان چنار یعنی عمادالدین، فیض ابرہیم قاضی توق، افضل جان مرحوم مستوچ غوروو کوثرعلی شاہ اوچے دوق ژاو( اصل نم یادی نو گوین) مہ جماعتی سرینین ۔ تاج الدین اوچے بہرام اسپہ موژی زاق اوشونی۔ تاج الدین اوچے اقبال ولی تاج نو تھیلک اوشونی۔ استاز نو اسیکہ دنیو شیطانین کواراوتنی۔
ہیڈ ماسٹر حضرت اللہ جان صائب اسپہ حساب ݯھݯھیاوتئے۔حسابہ آوا بو جم اوشتم۔ دوروکورمن ای سوالو دی نو پیڅھاوتم۔ گیاک انُسو مشقو دی تیاریو کوری گیاوتم۔ استاد سوالو ریکو سو نیزی تو پاشئیاوتم۔ ای انُس حضرت اللہ جان صائب مه جماعتیانتے قہری بتی ہموݰ ریتئے،" ہیہ ڈق پیسہ چقہ نالائقن موژا ہال بکو بݰ نو ۔ہمو سوتو جماعتہ التی نشئیم ریمن مگم ہموتے پھُک قائی بوئے" استادو ہتے ہانی شُروشتو کورک مہ څیقدی زیاد محنتو شوقین اریر۔ متے ہاݰ سریتئے کہ ہموغار اچی ہارمضمونہ مه سار لائق کا نو بونی۔ ہاشتانچقہ استادواہتے حوصلہ افزائیو براکتہ ݯھویو جماعتہ دی اول لمبارا پاس ہوتم۔
ݯھویہ اسیکا گرشپو چھٹی ݰوئیکو پرکوسپو سیروتین سین زور لکھیتئے۔ اسکول چھٹی بیکو انُس تن مه تتی میر صاحب خان مه گانی یارخونوتے راہی ہوئے، ناگہہ سیرو الائے رے ویزینین تن چونکہ نسیسی رے مه گانی پشینو ٹیمہ چونجی نسائے۔ راغیشٹی شیر بریپہ بسو بسی رے مه گانی روزانہ ہوئے۔ بریپہ توریکو یور اف غیرتئے۔ ریکا پرائے کی "اے مه ژاو! شارو بتی شیر دیزگا بسو کی بسی کیچہ بوئے؟" آوا نن تتان اوچے څیڅیق برار گینیان اوچے اسپسار گینیان بچے ہردی پھت بتی استم۔ کیہ علاج کوری دوروتے ݰوئیکو شوقہ جام ریتم۔ کیہ وت کی بریپو پھار نسہ بغاتم ہتیرا ای موش سیری لاوستئے۔ ہتو سار مه تتی دیزگو سیرو بارا خبار گانتئے۔ ہسے موش ریتائے کی شیر جم شیر مگم اورارو گوݯو پون باند بتی شیر، روئے اورارو ٹیکھین کاسینیان۔ ای دربت دوندونہ بتی مه تتی ریکی " خودایوت حوالہ کوری بسی۔ روشتی شیکا سیرا پھار نسیسی البت" اچی گیکو دی کالی آریر کوریکو کی ہتے زمانا اسپہ بس دوری قامان دور اوشوئے۔ قامان دورو جمعدار طیغونو نن مه تتو نیکو ژور اسپسار اوشوئے وا مه تتو ای نویس ہتو برارو بوک دی اوشوئے۔
ہتے ای کما بسپروشٹی کھتان ہون گیتی اورارو گوݯو پون چھینی التی شک برائے۔ اورارو ٹیکھین کیہ قدیمو پون برائے مگم ریݱ بہچی شیرائے۔ بو دروغ دروغ بتی سیرو سورو اف خومی سیرو آخرا تورتم کی سیرو اسپہ ویلٹی تروئے چھور قدیمہ پت چیپوڵ نکی۔ بوڈین پھار بوغیلک۔ موڵو یارخونو سینو اوجوݰم ای بوہتوناسو ہواز نیزی بیران۔ مه تتو میہہ بغئے۔ مه گانی ہتے سیرا پھار نیسیکو ہمت نو اریر۔ ریکا پرائے " اے مه ژاو! درونگ پون درونگ ژن, ہیہ پروشٹو تن بیسی۔
Comments
Post a Comment