زندگیو سفار۔۔۔۔۔۔۔۔17
پرائمیری اسکول بانگا
ھ پونج سالو سبقو موژی آسیکا وا نن تتن نسہ بکین کندوری جم کوروم ݯھݯھیتم وا ای کندوری شُم کورُم دی عادت ہونی۔ کیچہ کہ پروشٹی لو
دیتی اسُم آویلو بونگو گردہ ݯھوغی کوری ریزگیلیو میکی سلطان محمودو افیونو ومو چھینتم۔ ہتیغار اچی پھوردل ہوتم وا تتو دُکانی اوتاو پھُک پھُک پیسہ ݯھوغ کوکا پھریتم۔ مه تتو ای پھُک دار صندوق باور۔ ہتو پیسہ لاکھاوور۔ ہتے زمانا ای انیزی، جو انیزی، چھور ا نیزی، اوشٹ انیزی وچے روپیہ گی باونی۔ مه تت پتہ تن نو دیاوور۔ ہاݰاتانچقہ ننو گونجی اوتی خومبوخن ٹھوراوتم۔ دورو کھلی خرچو اشناری ننو گونجی باونی۔ پریٹیا چئے، نیوف جوش من تروپ، پرٹی پرٹین گرینج وا بوجیا گوڑاک ہار سودہ انگیکا مه تت مه ننوتے حوالہ کوراوور۔ ھ اشناری مه ننو دورو گونجی باونی۔ ھ گونجو دواہتہ قلف دی نو باور۔ بانگو ای پھتی ننگینی مه سار چائے وچے تروپ مݰکاونی۔ آوا ننو گونجار ݯھوغ کوری ہتیتانتے الاوتم وا ہتیت مه تے دعا کوراونی۔ ہارونی غریبیو زمانہ اوشوئے کہ انوسی کم سی کم چھور پونج عورتن چئے اوچے تروپ مݰکی گیاونی وا ای ہرونی پیݰیرومݰکک گیاونی۔ ہتے وختو نو پوشیرو رویان بچے ہمی لو پتیکو بݰ
نو۔
ہیہ سال اسپہ بچے ہاݰ غمہ مڵاغ دی ہوئے کہ مه سار ای سالین لوٹ مه موژغیشٹی تاتیو لوٹھورو ژاو اݰکامابکو لہازیہ خدایو حقوت تورتئے۔ ہتوبچے اسپہ سف ہرونی تنگ ہوتم کہ دنیو شیرینیو روخڅیتم۔ ہسے غیژی تان دورو روین تن خوش نو اوشوئے بلکہ درست دیہو روین دی بُکو ژن اوشوئے۔ بلبل صاحب خان نم ہتو اوشوئے۔ مہرو سورا صائبی راونی۔ سبقہ مه سار جو جماعت پروشٹی استئے۔ سبقہ بو لائق اوشوئے رے لو دیاونی۔ اوݯ غیچھان سُم خوشان موخی ڈق اوشوئے۔ مه موژغیشٹی تاتی ہتو سار اچی اݰکامین دخمہ ہوئے وا ھ لہازیار جم نو بتی دنیا سفار اریر۔
سال تروئے بشیر اییو بوسُن پونجو پاس کوریکو مه گانی پرکوسپوت الانی۔ مه موژغیشٹی تاتی مه مستوچو مڈل اسکولہ انگیتی داخل اریر۔ ہتے وت اسکولو ہیڈ ماسٹر مه قدروبݰ استاد حضرت اللہ جان اوشوئے۔ نوغ اسکولہ وا امبوہ ڈقانان موژہ گیتی ای حتاپت بلت نو ہوتم۔ لش لش بتی تان جماعتو ڈقن سُم وا استادانن سو بلت ہوتم۔ نوغ مضمون انگریزی قاعدہ اوچے فارسی ریک دی ݯھویو جماعتہ شروع ارتم۔
کندوریکہ مه ہردی گوین ہتے وت ہمی استاذان مستوچو اسکولہ اسیتانی۔ حضرت اللہ جان ہیڈ ماسٹر، قاضی احمد الدین، حاجی خان، دین محمد ݯھترارُوکُو، شیرنادرخان رائنیغ، مولوی ہدایت الله تیرچھیغ، نوربہارشاہ ڈریلو استاد، مستوچکی۔
ھ پونج سالو سبقو موژی آسیکا وا نن تتن نسہ بکین کندوری جم کوروم ݯھݯھیتم وا ای کندوری شُم کورُم دی عادت ہونی۔ کیچہ کہ پروشٹی لو
دیتی اسُم آویلو بونگو گردہ ݯھوغی کوری ریزگیلیو میکی سلطان محمودو افیونو ومو چھینتم۔ ہتیغار اچی پھوردل ہوتم وا تتو دُکانی اوتاو پھُک پھُک پیسہ ݯھوغ کوکا پھریتم۔ مه تتو ای پھُک دار صندوق باور۔ ہتو پیسہ لاکھاوور۔ ہتے زمانا ای انیزی، جو انیزی، چھور ا نیزی، اوشٹ انیزی وچے روپیہ گی باونی۔ مه تت پتہ تن نو دیاوور۔ ہاݰاتانچقہ ننو گونجی اوتی خومبوخن ٹھوراوتم۔ دورو کھلی خرچو اشناری ننو گونجی باونی۔ پریٹیا چئے، نیوف جوش من تروپ، پرٹی پرٹین گرینج وا بوجیا گوڑاک ہار سودہ انگیکا مه تت مه ننوتے حوالہ کوراوور۔ ھ اشناری مه ننو دورو گونجی باونی۔ ھ گونجو دواہتہ قلف دی نو باور۔ بانگو ای پھتی ننگینی مه سار چائے وچے تروپ مݰکاونی۔ آوا ننو گونجار ݯھوغ کوری ہتیتانتے الاوتم وا ہتیت مه تے دعا کوراونی۔ ہارونی غریبیو زمانہ اوشوئے کہ انوسی کم سی کم چھور پونج عورتن چئے اوچے تروپ مݰکی گیاونی وا ای ہرونی پیݰیرومݰکک گیاونی۔ ہتے وختو نو پوشیرو رویان بچے ہمی لو پتیکو بݰ
نو۔
ہیہ سال اسپہ بچے ہاݰ غمہ مڵاغ دی ہوئے کہ مه سار ای سالین لوٹ مه موژغیشٹی تاتیو لوٹھورو ژاو اݰکامابکو لہازیہ خدایو حقوت تورتئے۔ ہتوبچے اسپہ سف ہرونی تنگ ہوتم کہ دنیو شیرینیو روخڅیتم۔ ہسے غیژی تان دورو روین تن خوش نو اوشوئے بلکہ درست دیہو روین دی بُکو ژن اوشوئے۔ بلبل صاحب خان نم ہتو اوشوئے۔ مہرو سورا صائبی راونی۔ سبقہ مه سار جو جماعت پروشٹی استئے۔ سبقہ بو لائق اوشوئے رے لو دیاونی۔ اوݯ غیچھان سُم خوشان موخی ڈق اوشوئے۔ مه موژغیشٹی تاتی ہتو سار اچی اݰکامین دخمہ ہوئے وا ھ لہازیار جم نو بتی دنیا سفار اریر۔
سال تروئے بشیر اییو بوسُن پونجو پاس کوریکو مه گانی پرکوسپوت الانی۔ مه موژغیشٹی تاتی مه مستوچو مڈل اسکولہ انگیتی داخل اریر۔ ہتے وت اسکولو ہیڈ ماسٹر مه قدروبݰ استاد حضرت اللہ جان اوشوئے۔ نوغ اسکولہ وا امبوہ ڈقانان موژہ گیتی ای حتاپت بلت نو ہوتم۔ لش لش بتی تان جماعتو ڈقن سُم وا استادانن سو بلت ہوتم۔ نوغ مضمون انگریزی قاعدہ اوچے فارسی ریک دی ݯھویو جماعتہ شروع ارتم۔
کندوریکہ مه ہردی گوین ہتے وت ہمی استاذان مستوچو اسکولہ اسیتانی۔ حضرت اللہ جان ہیڈ ماسٹر، قاضی احمد الدین، حاجی خان، دین محمد ݯھترارُوکُو، شیرنادرخان رائنیغ، مولوی ہدایت الله تیرچھیغ، نوربہارشاہ ڈریلو استاد، مستوچکی۔
Comments
Post a Comment