اسیرو زندگی۔۔۔ ۱۱
ومداریو زمانہ
یزگیلیو لالو سار ہتے اشناری گانی جیپو دیتی جو ݯھونی اچی اسکولہ تورتم۔ استاذ مہ انتظارا استائے۔ بو خوشان ہوئے۔ ہے سو اوا دی دورتے مہمیز ارتم۔ کیہ علاج پلاج کوری دورا توری دادو اوچے ننوتے مݰقری پھریتم کہ " اوا پاس ہوتم" خاص کوری دادوتے ہیہ جم خبرو دیک بو ضروری اوشوئے کوریکو کہ غیرت بیگ استاذ مہ تتو نسہ متےنالائق رے مہ بے عزت کوری استئے۔ ہتو لو غلط نیسی اوشوئے۔ مگم اوا تان دی حیران بتی استم کہ اوا کیچہ پاس ہوتم ۔ بہرحال پاس ہوتم۔ تتوتے ہتے وم گانیرو اشناریو لوو دی پھریتم۔ مہ ننو چے تت بو خوشان ہونی۔ مہ غیچ غیچہ بھ کوری شباشی برانی۔
چھوچی ریپھی اسکولوتے بکار پروشٹی دادوسار جو روپیہ اوشٹ آنہ گانی جیپو پھریتم، اسکولوتے راہی ہوتم۔ ریزگیلیو دکاندار لالو دور رہا کافی دودیری اوشوئے وا اسکولو حاضریو وخت دی ݰویے اوشوئے۔ اسکولارچھٹی بتی اچی بوغاوا تو ومو چھینیم رے سیدھا اسکولہ تورتم۔ اسکولو شرانہ استادو روئیتو پھریتم ۔ سلامو سو تن متے ریکی " لالو جاو دکاندارو روپیان الاوا؟" اوا ہوستو پیرانو جیپھو ٹیکہ دیتی ریتم، " دی لہ استاد" ہرونیا استاد ریکی، " یانگیے متے دیت اوا تان ہتوتے دوم" اوا بق نیزی استادوتے پھریتم۔ اوا ومو چھینتم رے بیغش بتی دوروتے باتم۔
ای کما بس اچہ اسکولوتے بوغاوا ڈوک رے ژاغا تورتم کہ ریزگیلئیو لال بوہرتو ٹیکا نشی اسور۔ تو تے سلام کوریکو مہ سلامو دی نو گانی متے ریکی، " اے مہ نویس مہ ومن نو الاو وا چھوچی انگوم رے تھمامو بس بغانی؟ " اوا ریم کہ " اے میکی استادوتے دیتی استم ہتے اوہرتی چھوچی تن، تتے نو پرایا؟" ہاݰ کیہ ریتم ژاں ریزگیلیو لال فقط انگار ݯوکیتئے۔ " اےےے مہ نویس اوا تت راستم توتان متے انگیے رے؟ تہ ہتے استادو سورا مہ تروی بیشیر روپیہ وم شینی۔ اوا ہتو نو ژانیم تو متے انگیے۔ چھوچی کہ نو الا اوا تہ بستو سو کتابن گانیم جیمہ" ریزگیلیو لالو پھوک پھوک کروئے غیچ شاونی۔ قہری بکو ہتیغار لیے یو چوٹیرو غون سریتئے۔ اوا دنگ دنگ رونځیتم ۔ ہتیغار گانی اسکولہ تان سورو راکھیشی بغاتم۔ مہ پاس بتی ترویو جماعتہ بکو ہتے خوشانی کوئے غیری بغئے۔ ہیہ دونیک مہ سو جوست ہوئے کہ دی ھ ومو کیچہ کوری چھینیم؟ استادو تے ہاݰ نا روئی کو ارو ریکو دی نو بومن۔ دورا وا کیہ بہنہ کوری روپیہ گانیم؟ اسکول چھٹی ہوئے۔ اچی دورا تورتم۔ مہ دماغہ ھ مسلہ بار بتی بہچیتئے۔ نہ ای لوظ سبق ریکو بیتم۔ نہ جماعتیان سو کیہ مشقولگئیو طبیعت ہوئے ، نہ دورا گیتی ݰاپیک ژیبارو ہائے۔ ای ہاݰ غم مہ سو یار ہوئے کہ مہ خوشان زندگی مہتم غیری بغئے۔
ہانُن زمانہ کہ بوین مہ کیہ غم بوین۔ څیڅیق ہزارو چے ای قسمہ بہنہ ساوزے نن تتن سار پیسہ گانیین۔ ہتے زمانہ چنگیکو خیال کوس ژانی نو گیاور۔ تتوتے کہ فروسک لو دومن مہ سُم غش کوین کہ تو ریزگیلیو لالو ومن تان تغوتے کو نو پراو؟ یا اسکولہ بی استاذو سو جنجال کوئے رے سورا نیکو نو بیتم۔ خصو خاص ننو نسہ دی ہے رازو ویریغ کوکو نو بیتم۔ ہنیسے خور کیہ چارہ نو بتی اوا کیہ وت اسکولوتے بو راغیشٹی بیکہ پھریتم وا کیہ وت ملال بتی ملگیرین اف لاکی بیم۔ ملگیرین سو جوست نو بیکہ پھریتم۔ نگہ ریزگیلیو لال پونہ دوسی مہ کتابن کہ اویریتئے ہیہ لو دروست اسکولہ وا دیہہ ڈنڈورہ بوئے رے۔ آخیر کلہ پت کھوشت باو اسکولوتے گوم وا اچی بیم؟ ای نو ای انُس لال مہ دسیر یا مہ تتو سار ھ ومو مݰکیر رے مہ ژن نسی بیر۔ متے ہنیسے دی ہاݰ سریر کہ ہتے ومداریو زمانہ مہ زندگیو سفوسار تروق ازمانہ اوشوئے۔۔
یزگیلیو لالو سار ہتے اشناری گانی جیپو دیتی جو ݯھونی اچی اسکولہ تورتم۔ استاذ مہ انتظارا استائے۔ بو خوشان ہوئے۔ ہے سو اوا دی دورتے مہمیز ارتم۔ کیہ علاج پلاج کوری دورا توری دادو اوچے ننوتے مݰقری پھریتم کہ " اوا پاس ہوتم" خاص کوری دادوتے ہیہ جم خبرو دیک بو ضروری اوشوئے کوریکو کہ غیرت بیگ استاذ مہ تتو نسہ متےنالائق رے مہ بے عزت کوری استئے۔ ہتو لو غلط نیسی اوشوئے۔ مگم اوا تان دی حیران بتی استم کہ اوا کیچہ پاس ہوتم ۔ بہرحال پاس ہوتم۔ تتوتے ہتے وم گانیرو اشناریو لوو دی پھریتم۔ مہ ننو چے تت بو خوشان ہونی۔ مہ غیچ غیچہ بھ کوری شباشی برانی۔
چھوچی ریپھی اسکولوتے بکار پروشٹی دادوسار جو روپیہ اوشٹ آنہ گانی جیپو پھریتم، اسکولوتے راہی ہوتم۔ ریزگیلیو دکاندار لالو دور رہا کافی دودیری اوشوئے وا اسکولو حاضریو وخت دی ݰویے اوشوئے۔ اسکولارچھٹی بتی اچی بوغاوا تو ومو چھینیم رے سیدھا اسکولہ تورتم۔ اسکولو شرانہ استادو روئیتو پھریتم ۔ سلامو سو تن متے ریکی " لالو جاو دکاندارو روپیان الاوا؟" اوا ہوستو پیرانو جیپھو ٹیکہ دیتی ریتم، " دی لہ استاد" ہرونیا استاد ریکی، " یانگیے متے دیت اوا تان ہتوتے دوم" اوا بق نیزی استادوتے پھریتم۔ اوا ومو چھینتم رے بیغش بتی دوروتے باتم۔
ای کما بس اچہ اسکولوتے بوغاوا ڈوک رے ژاغا تورتم کہ ریزگیلئیو لال بوہرتو ٹیکا نشی اسور۔ تو تے سلام کوریکو مہ سلامو دی نو گانی متے ریکی، " اے مہ نویس مہ ومن نو الاو وا چھوچی انگوم رے تھمامو بس بغانی؟ " اوا ریم کہ " اے میکی استادوتے دیتی استم ہتے اوہرتی چھوچی تن، تتے نو پرایا؟" ہاݰ کیہ ریتم ژاں ریزگیلیو لال فقط انگار ݯوکیتئے۔ " اےےے مہ نویس اوا تت راستم توتان متے انگیے رے؟ تہ ہتے استادو سورا مہ تروی بیشیر روپیہ وم شینی۔ اوا ہتو نو ژانیم تو متے انگیے۔ چھوچی کہ نو الا اوا تہ بستو سو کتابن گانیم جیمہ" ریزگیلیو لالو پھوک پھوک کروئے غیچ شاونی۔ قہری بکو ہتیغار لیے یو چوٹیرو غون سریتئے۔ اوا دنگ دنگ رونځیتم ۔ ہتیغار گانی اسکولہ تان سورو راکھیشی بغاتم۔ مہ پاس بتی ترویو جماعتہ بکو ہتے خوشانی کوئے غیری بغئے۔ ہیہ دونیک مہ سو جوست ہوئے کہ دی ھ ومو کیچہ کوری چھینیم؟ استادو تے ہاݰ نا روئی کو ارو ریکو دی نو بومن۔ دورا وا کیہ بہنہ کوری روپیہ گانیم؟ اسکول چھٹی ہوئے۔ اچی دورا تورتم۔ مہ دماغہ ھ مسلہ بار بتی بہچیتئے۔ نہ ای لوظ سبق ریکو بیتم۔ نہ جماعتیان سو کیہ مشقولگئیو طبیعت ہوئے ، نہ دورا گیتی ݰاپیک ژیبارو ہائے۔ ای ہاݰ غم مہ سو یار ہوئے کہ مہ خوشان زندگی مہتم غیری بغئے۔
ہانُن زمانہ کہ بوین مہ کیہ غم بوین۔ څیڅیق ہزارو چے ای قسمہ بہنہ ساوزے نن تتن سار پیسہ گانیین۔ ہتے زمانہ چنگیکو خیال کوس ژانی نو گیاور۔ تتوتے کہ فروسک لو دومن مہ سُم غش کوین کہ تو ریزگیلیو لالو ومن تان تغوتے کو نو پراو؟ یا اسکولہ بی استاذو سو جنجال کوئے رے سورا نیکو نو بیتم۔ خصو خاص ننو نسہ دی ہے رازو ویریغ کوکو نو بیتم۔ ہنیسے خور کیہ چارہ نو بتی اوا کیہ وت اسکولوتے بو راغیشٹی بیکہ پھریتم وا کیہ وت ملال بتی ملگیرین اف لاکی بیم۔ ملگیرین سو جوست نو بیکہ پھریتم۔ نگہ ریزگیلیو لال پونہ دوسی مہ کتابن کہ اویریتئے ہیہ لو دروست اسکولہ وا دیہہ ڈنڈورہ بوئے رے۔ آخیر کلہ پت کھوشت باو اسکولوتے گوم وا اچی بیم؟ ای نو ای انُس لال مہ دسیر یا مہ تتو سار ھ ومو مݰکیر رے مہ ژن نسی بیر۔ متے ہنیسے دی ہاݰ سریر کہ ہتے ومداریو زمانہ مہ زندگیو سفوسار تروق ازمانہ اوشوئے۔۔
Comments
Post a Comment