بومکی کھوار پیڅھونو بوین
بومکی ای ژاغو سفن سار پرانو رویَنتے یا قَمَنتے ریر۔ ہیہ را آوا وارو بچے استعمال ارتم۔ صہی کی نو سریتائے متے لُو دیور۔ اصلی کھواروت اسپہ بومکی کھوار کی ریتم کیہ غلط نو بوئے۔ موجودہ کھوار بو آموشتہ بتی شیر۔ فارسی اوچے عرابی ار علاوہ ترکی، ہندی،سنسکرت پروشٹی تن ہیہ را شامل اوشونی۔ ہنیسے اردو، انگریزی ، اڑغانی وارو لوظ دی کھوارو حصہ بتی شینی۔ بِتی نو بِتی اسپہ کھوار لو دیاوا یا نویشاوا خور زبانوں لوظن شامل کوراو انگوسِیَن۔ ہیسو جُستہ اسپہ کھوارو اصلی لوظن پیڅھاو دی گوسِیَن۔
ہیہ اسکوردی مضمونہ آوا رشتان نامَن بارا مشقول بوسی کی ہتیت پیڅھونو بتی شینی یا پیڅھونو بکو بِتی شینی۔
نن/ نان: کھوارو ہیہ ژَنو سار شیرین لوظ روخڅونو بکو تاب۔ اسپہ ای کما زاروان کی دنیار بغاتم وا کا نن نو رینی ہمو ژاغو ممی، مم، امی، نانی گانی شینی۔ دادی، ۔ اسپہ نوغ نسلو اژیلی، نن گِنی تت گنی نن، تت ریکو تان سو اسپوک جاݰُنِیَن۔
تَت/ تات: تتو ژاغو دادا، پاپا، بابا ڈیڈی گَنی شینی۔ بو کم کا تت رینیَن۔
واو، بپ: ہمی قدیمی لوظ افگار زارو غریب واو اوچے بپو بچے استعمال بونیَن۔ ریاستی دورہ ہمتن ژاغا واویو چے بابا انگیونو بتی اوشونی۔ ہنیسے ہمت دی پیڅھونو بکو چق۔
بیچ : تتو اوچے ننو اسپڅارگِنیانتے، تتو برارو چے تتو برارو بوکوت نو بتی بیچ کی ریتاو کورین تہ دتی نݰکارُم کوئے۔ بیچی لوظو عزتمن جوݰاونی۔ ہنیسے ہیس دی بی انٹئیو غیرتئے۔
مِک: تتو ننو براروت یا دیہو زاروت مِک ریکو نو بوس۔ ہاش کی ریتاو دِشلُو کاردو غون۔ پروشٹی زمانا پھتی روئے تان خذمت گرنتے مک راونی۔ ہیغین دِتی ہیہ لوظو دی بئیزت ہوئے۔ میکی ریک تونج نُما بوئے۔ انکل و چے
کئے/ کائے، اسپسار/ اسپڅار/ اسڅار/ اسپرا (ہمی چھور لوظ توری ݯھترارہ شینی)۔ تان عمرو یا څیقوت اسپہ اسپسار دیسی۔ تان سار لوٹھورو کئے/ ہائے ریسی۔ موڑی ݯھترارہ کھاڑݮتے ہائے رینی۔ ہنیسے لوٹھورو اپا، اہی رینین ، څیقوت باجی نم لاکھی اسونی۔
، لال/لالی: توری ݯھترارہ لوٹ براروت، دیہو عزتمنوت لال یا لالی ریسی۔ تان سار حیقوت برار ریسی۔ کوہو روئے لوڑور حیقوت کھاڑݮتے برار رینی۔ ہنون زمانا برو ہونی۔ ہیہ زائلہ بتی کھوارو بومکی لوظن سو اسپہ نوغ نسلو سلوک جم نو کیچہ کہ بومکی روین سو باو گتی شیر۔
Comments
Post a Comment